Mentres a Consellaría quere botar a 11 traballadores a rúa mantén o posto de subdirector dunha persoa que, a pesar de estar nomeada como tal, nunca pasou polo centro.

Pode existir un Centro Público que teña un Subdirector desde maio do 2012 e que non teña pisado o Centro? Pode ser que a Consellería de Traballo e Benestar teña creado ese posto de Subdirector, posto de Libre Designación, para darllo a unha persoa concreta? Pode que esa persoa concreta fora un funcionario do Concello de Boqueixón, Concello ao cal pertence tamén o Director Xeral da Xuventude -Ovidio Rodeiro Tato?

Este mércores día 6 de marzo tivo lugar una Asemblea-Concentración no Complexo Xuvenil “As Mariñas” para denunciar as mentiras da Xunta á hora de propoñer a privatización e posterior peche deste centro.

O Comité de Empresa de Traballo e Benestar da Coruña, denuncia que a Dirección Xeral de Xuventude quere pechar o Complexo Xuvenil As Mariñas en Bergondo a pesar de ter carga de traballo. Por iso, a partires do 24 de marzo dous dos seus principais programas "ROTEIROS" e "AULA XUVENTUR" que se ían celebrar nas instalacións do Albergue Xuvel de Gandarío (xunto co Albergue da Marina Española integra o citado complexo) que acollería a preto de un millar de mozas e mozos.

Traballadores e traballadoras destas oficinas fixeron sendas concentracións de protesta e posterior asembleas contra a supresión de postos de traballo e polo mantemento da Dependencia en Santiago e Ferrol.

A eliminación destas oficinas suporía o despedimento de 13 traballadores/as e a perda de axilidade, racionalidade e simplicidade na xestión das tramitacións de expedentes para a cidadanía. Penalizase as persoas de Santiago de Compostela e Ferrol, así coma das localidades próximas a estas comarcas que terán que acudir a Coruña para solicitar información ou facer as xestións necesarias do seu expediente. Rematase coa proximidade ao cidadán e dificultase o seu acceso a unha tramitación axil e eficiente.

A consulta é para coñecer a opinión das traballadoras e traballadores sobre se prefiren a compensación en tempo de descanso ou en cartos

A Consellería de Traballo e Benestar deixou de compensar en tempo de descanso, o traballo en domingos e festivos en abril de 2012. Dende aquela o persoal laboral das residencias de maiores, centros sociocomuntarios, centros de menores e CAPD, non teñen nengún tipo de compensación. Na actualidade a Xunta de Galiza, oferta unha compensación económica que vai dende os 17 ata os 30 € segundo a categoria que sexa, por un día de traballo en domingo e festivo, e desbota totalmente a posibilidade de compensar con tempo de descanso tal e como se viña collenda ata o ano 2013.

O Comité de Traballo e Benestar da Coruña convoca concentracións de protesta pola intención de suprimir postos de traballo e desmantelar o Complexo Xuvenil As Mariñas en Bergondo e os Equipos de Valoración da Dependencia en Santiago e Ferrol. Pola defensa dos servizos públicos. As concentracións de protesta son as seguintes todas ela a realizar o día 6 de marzo de 2013 ás 10h:

• Complexo Xuvenil As Mariñas: Concentración asemblea-protesta ás 10,00 horas. Cornide nº 20 15167 Bergondo.

• Ferrol  concentración ás 10,00 horas, diante do edificio da Xunta de Galicia, entrada que é tamén ás oficinas do Equipo de Valoración da Dependencia Praza Camilo José Cela, s/n 15403 Ferrol. (50 persoas).

• Santiago de Compostela  concentración ás 10,00 horas, na entrada das oficinas do Equipo de Valoración da Dependencia Praza de Europa, 2º-10A Área Central 15703 Santiago de Compostela.

Acudiron tamén traballadores/as do complexo xuvenil “As mariñas” en gandarío para defender a continuidade do seu centro de traballo que a consellería quere desmantelar.

O mércores 20 de febreiro de 2013, membros do Comité de Empresa de Traballo e Benestar e un grupo de traballadoras/es de Gandarío levaron adiante unha protesta contra a amortización de postos de traballo, co desmantelamento de centros como Gandario ou as oficinas da Dependencia en Santiago e Ferrol, e a amortización de prazas en residencias de maiores, oficinas de emprego e centros de maiores.

O mércores, 9 de xaneiro, o Comité de Empresa de Traballo e Benestar na provincia da Coruña protestou ante a Xefatura Territorial, polos recortes e imposicións ao persoal dos centros, que se atopan nunha situación de estrés laboral, descoñecendo as carteleiras do 2013, sen compensacións por traballar domingos e festivos, sen paga extra, descontandose os días de baixa, eliminando días de descanso e vendo como cada día que pasa a Xunta de Galiza recorta dereitos e convirte as condicións de traballo nun sistema de explotación laboral.

O Comité de Empresa de Traballo e Benestar da Coruña vén de emitir unha nota na que responsabiliza á conselleira Beatriz Mato da situación actual dos centros de atención de residencias de maiores, centros de menores, CAPD e escolas infantís, cos traballadores a mínimos, descoñecemento das quendas de traballo do 2013 e en situación de estrés laboral permanente.

O Comité de Empresa  aprobou un calendario de asembleas e mobilizacións a partir do vindeiro luns 7 de xaneiro de 2013, co fin de denunciar a situación na que estan a desempeñar as suas funcións e responsabilidades as traballadoras e traballadores dos centros dependentes da conselleira Betariz Mato. Denuncian unha situación insoportable con estrés laboral permanente pola escasez de persoal e medios á que se reduciu as prestacións nos centros de atención a persoas maiores, escolas infantís, centros de menores e CAPD A Coruña. Destacan tamén que nestes centros aínda non se ten negociado as quendas de traballo para o 2013 e a incapacidade do persoal de Dirección nomeado a dedo para xestionar os cada vez máis recortados recursos dos que dispoñen.

O mércores, 19 de decembro, representantes do Comité de empresa de Traballo e Benestar da Coruña plantaronse na Xefatura Territorial para demandar a negociación das carteleiras de 2013. O Presidente do comité, Xosé Manue López Viqueira, calificou a situación de "burla total aos dereitos do persoal laboral".

Xunto co presidente do comité, presentaronse na xefatura territorial tamén delegadas e delegados (7 da CIG, 2 de CCOOe 2 de UGT). Os representantes dos traballadores prescindiron de formalismos e protocolos, mesmo declinaron sentarse, para resaltar o grandisimo malestar dos traballadores e traballadoras que a piques de rematar o ano aínda non teñen as quendas do ano 2013, descoñecen cal vai ser a compensación por traballar domingos e festivos e soportan a ineficacia e ineficiencia das Direccións dos centros.

O Comité de Traballo e Benestar da Coruña vén de denunciar ante a Inspección de Traballo, a decisión "unilateral, prepotente e arbitraria" pola que a Consellería de Traballo e Benestar pretende impoñer os novos modelos de carteleiras para o ano 2013.

A Consellaría elaborou unhas instrucións que nunca chegou a negociar coa representación legal dos traballadores e que lle pasou ás Direccións dos centros para a súa aplicación inmediata.

As traballadoras e traballadores do Complexo de Menores I de Ferrol recibiron con sorpresa e asombro a nova de que o Centro de menores Soutomaior vai ser nun futuro próximo unha residencia universitaria segundo a nova que poideron ler no día de hoxe nos xornais.

Nin o persoal nin os seus representantes no Comité de empresa recibiron comunicación algunha da Consellería de Traballo e Benestar ao respecto do abandono definitivo dunha verdadeira política de protección aos menores en situacións de desamparo; máis nos momentos actuais en que aumenta o número de persoas en situación de necesidade.

O Comité de Empresa de Traballo e Benestar protestou onte nunha sentada contra os sucesivos recortes e medidas arbitrarias do departamento autonómico de Traballo e Benestar no seu persoal e os efectos que están a ter na calidade asistencial nos centros públicos. Mentrés, o departamento continúa o seu impulso a favor das empresas privadas xestoras de servizos sociais.Tamén denunciaron a negativa da xefatura provincial para cederlle un local para a xuntanza do comité co obxecto de silenciar as súas denuncias.

O 25 de setembro a Xunta eleitoral advirtiu a Feijoo do incumprimento da Lei electoral nos contratos do naval e do decálogo de dereitos das persoas maiores e ordena rematar coas campañas de publicidade. Agardamos o mesmo tratamento para o uso eleitoral da carta de servizos da avaliación de dependencia que denuncian traballadoras e traballadores da Consellaría de Traballo e Benestar.

Tan só un día antes, o 24 de setembro, chegaron ás dependencias do Edificio Administrativo en Ferrol  para ser repartidos entre a cidadanía uns folletos que se corresponden cos Carta de Servizos da que está a falar nos medios de comunicación o Sr. Feijoo, candidato do Partido Popular á Xunta de Galiza.

O xoves, 5 de xullo, o Comité de Traballo e Benestar da Coruña levou a cabo un acto de protesta simbólico na Xefatura Territorial pola prohibición da Xunta de Galicia a que o persoal laboral teña unha reducción de xornada ao igual que a ten o persoal funcionario.

Cómpre recordar que das instrucción do horario de verán 2012 queda excluído o persoal que traballa baixo o réxime de quendas ou horaio especial; este é o caso do persoal laboral, entre outros, da Consellaría de Traballo e Benestar. Ante isto,  o Comité de Empresa de Traballo e Benestar da Coruña decidiu levar a cabo unha protesta simbólica polo que supón ao redor de 100h máis de traballo ao ano.

Xa durante a súa negociación, a CIG solicitou que a aplicación deste tipo de instrucións fose universal para todo o persoal da Xunta e, de non ser posíbel, que se establecese algún tipo de compensación.

O pasado 11 de xuño de 2012, en rolda de prensa, o Comité de Empresa de Traballo e Benestar denunciou a privatización de prazas nas residencias de maiores da Porta do Camiño e Volta do Castro en Compostela. Esta privatización implicará a eliminación de postos de traballo público e o despidimento de varias compañeiras e compañeiros interinos.

O Comité de Empresa denunciou publicamente a contratación de gardas de seguridade para suprir postos de ordenanzas. O seu presidente, José Manuel Viqueira, asegura que a dita externalización suporá un sobrecusto ao erario público xa que as prazas de persoal laboral que amortizan, e que fan as mesmas funcións, NON tiñan tanto custo como vai ter a empresa privada. O comite denuncia ademais que a sobre-explotación dos gardas de seguridade será o beneficio das contratas privadas co que se enriquecen as empresas beneficiadas pola política de privatizacións da conselleira Beatriz Mato e a sua secretaria xeral Cristina Ortiz.

O luns, 28 de maio, continuou a campaña de mobilizacións do Comité de Traballo e Benestar de A Coruña en contra da destrución de 90 postos de traballo previstos pola consellaría nesta provincia así como contra a privatización dos Servizos Públicos Galegos.

As concentracións do Comité de empresa deste día foron na Escola Infantil de Vite (esquerda) e na Escola Infantil "Santa Susana" (dereita) e aos dous actos de protesta sumouse persoal doutros centros.  Desde o comité de empresa aseguran que o 5 de xuño se reunirán para elaborar un novo calendario de mobilizacións no que se barallan protestas como situar unha caravana permanente ata as eleccións autonómicas, ou levar a cabo un «enterro» da consellería dende San Caetano a Monte Pío.

O xoves, 24 de maio, continuou a campaña permanente do Comité de Traballo e Benestar de A Coruña en contra da destrución de 200 postos de traballo previstos pola consellaría, así como contra a privatización dos Servizos Públicos Galegos, incluídos peches de centros -hoxe mesmo pechou o centro de menores "Soutomaior" de Ferrol-.

As concentracións específicas do Comité de empresa deste día foron na Escola Infantil de Ventorrillo (esquerda) e na Escola Infantil "As Mariñas" (dereita) e aos dous actos de protesta sumouse o persoal que nese momento estaban traballando. Como a política da Consellería consiste nunha permanente destrución do público, este comité tamén permanentemente seguirá loitando a favor dun Sistema Público que, paradoxalmente, está sendo destruído polos organismos públicos da Xunta do Partido Popular.