Se non estiveches presente nas manifestacións, podes pensar que a CIG non existiu xa que fomos ocultados. Inclusive a policía local de Vigo se atreveu a afirmar que eramos 17.000 manifestantes. Ofrecémosche un video e unha galería de imaxes (ligazón) para que o xulges por ti mesmo.

Ninguén gustaría ver nestas circunstancias unha carta de despedimento, nin para nós nin para os nosos familiares ou amigos. Xa que logo, hoxe máis que nunca, faise necesario cambiar estas circunstancias: que non acabes na rúa cunha man detrás da outra, que non te poidan botar por estar enfermo 9 días en 2 meses, que che sigan baixando o salario mentres o custo da vida sube…

Aínda que boa parte do persoal das Administracións públicas nunca se viu afectado directamente polas reformas laborais, esta introduce a posibilidade do despedimento entre o persoal laboral das Administracións e é a primeira vez que se abre esta porta que, a medio prazo, vai significar tamén o fin do carácter permanente da condición de funcionario. Ninguén é capaz de negar que “imos a peor”. O que vos pedimos é que reflexionedes se nese “ir a peor” ten algo que ver a perda de dereitos laborais e os recortes dos servizos públicos e sobre todo ata que punto podemos e debemos aguantar estes recortes.

Se estás en contra desta reforma laboral pero con indecisión ou se xa decidiches non participar nela le atentamente os seguintes argumentario e dálle unha volta a túa decisión.

"Non fago folga porque non mo podo permitir"

A reforma laboral vai supor unha rebaixa xeneralizada dos salarios. Se non podes permitirche deixar de gañar o soldo dun día, menos poderás permitirche que che baixen o soldo permanentemente, que che despidan gratis, ou que se tes 10 anos traballados nunha empresa a túa indemnización por despedimento pase a ser de 18900 euros a 7845, por pór un exemplo. Acudir ao teu posto de traballo o 29M é (pouco) pan para hoxe e fame para mañá.

"A folga non servirá para nada"

A calqueira delegado e delegada sindical lle teñen espetado nalgunha ocasión que a nosoutros/as non se nos desconta ou que o sindicato nos paga os días de folga. E como a maiores de honrados temos que parecelo, queremos afirmar non so que esto é falso, senon que a CIG-Autonómica ten como norma interna que as persoas liberadas, por non estar sometidas ao control horario da empresa, comunican expresamente por escrito a súa participación na xornada de folga para o preceptivo desconto de haberes. En canto aos delegados e delegadas non liberados/as, non poden facer uso do seu crédito horario un día de folga.

Queremos denunciar a situación do Servizo de Protección e Defensa Contra Incencios Forestais (SPDCIF), onde a Xunta nos impuxo uns servizos abusivos do 100%. Neste caso afirmamos públicamente que os nosos delegados e delegadas si van utilizar o seu crédito horario, pois non teñen outro xeito de poder exercer o seu dereito á folga ao estaren todos e todas de servizos mínimos. Tan so agardamos a que os tribunais de xustiza anulen os abusivos servizos mínimos xa recorridos pola CIG e así poidan participar activa e legalmente na xornada de folga como os demais delegados e delegadas.

Presenta a túa petición individual

Simpático spot feito polo sindicato vasco LAB para chamar á folga xeral:

A reforma laboral do PP, feita con nocturnidade e aleivosía, supón unha agresión para toda a clase traballadora; tamén para a das Administracións públicas.