A medida só traerá máis precarización e un empobrecemento da clase obreira e non facilitará a creación de emprego.

A CIG convoca concentracións nas sete cidades galegas este mércores 23 para rexeitar a reforma laboral que o Goberno español do Partido Popular ten previsto aprobar no Congreso dos Deputados ao día seguinte. Facemos un chamamento á clase traballadora galega a responder na rúa os ataques contra os dereitos da maioría social.

Todas as medidas recollidas na reforma laboral van dirixidas a flexibilizar e abaratar o despedimento e as condicións laborais e proporcionar man de obra barata á patronal. A reforma pretende ademais debilitar a negociación colectiva, dividir os traballadores/as e individualizar as relacións laborais.

Lugares e horarios das concentracións:

Manifesto de 55 catedráticos e catedráticas de Dereito do Traballo e da Seguridade Social

Os abaixo asinantes, catedráticas e catedráticos de Dereito do Traballo e da Seguridade Social, consideramos un deber cívico facer pública a nosa opinión de expertos sobre a recente reforma laboral aprobada polo Goberno do PP, a cal introduce un cambio radical no modelo constitucional de relacións laborais, baseado en dous piares esenciais: un delicado equilibrio entre poderes empresariais e dereitos sociais e un estímulo ás expresións de diálogo social, articuladas de xeito sinalado a través da negociación colectiva.

A norma de urxencia procedeu a convulsionar a práctica totalidade dos elementos esenciais dese modelo constitucional. Polo pronto, desprazou o centro de gravidade normativo das relacións laborais dende o traballo á produción e ao emprego, dende o traballador e as súas condicións de traballo ao seu "empregabilidade", mercantilizando sen miramento ningún o traballo e des contextualizando o marco no que, dende as súas orixes e sen solución de continuidade, veu aplicándose, e ha de seguir facéndoo, a norma laboral.

Coincidindo co día no que se referendará no Congreso dos Deputados a reforma laboral, a CIG convoca concentracións o xoves 12 de abril en todas as cidades galegas para exixir a súa retirada. A central sindical denuncia que se trata dunha reforma pensada para facilitar o despedimento e favorecer a competitividade, pola vía de reducir salarios e rebaixar as condicións laborais substituíndo emprego fixo por precario e considera que só coa mobilización se poden frear as políticas de recortes de dereitos laborais e sociais que está a impor o Partido Popular.

A CIG demanda do goberno do PP a retirada da reforma laboral, logo do rotundo rexeitamento manifestado polos traballadores e traballadoras que participaron, de forma masiva, na convocatoria de folga xeral e nas multitudinarias mobilizacións convocadas o pasado 29 de marzo.

Por iso convoca, para este xoves, día 12 de abril, concentracións en todas as cidades que terán lugar en:

O mércores, 28 de marzo, El País publicou unha nova curiosa sobre un documento moi crítico asinado polo bispo de Cidade Real, Monseñor Algora, sobre a reforma laboral. " O que se quere facer é establecer un «mercado de traballo» no que os empregadores fagan e desfagan ao seu antollo, esquecendo que o «empregado» é, ante todo, persoa".

Investigando un pouco sobre o tema, atopamos a carta completa que transcribimos a continuación. O documento non ten desperdicio desde o punto de vista sindical (salvo o derradeiro parágrafo). Non sabemos canto tardarán en desautorizalo (...ou despedilo).

Poñemos a túa disposición un sinxelo xogo que permite avaliar o teu coñecemento sobre a desfeita de reforma laboral e como pode chegar a afectarche. Sumando os efectos da Lei de medidas no emprego público e esta reforma laboral as consecuencias sobre o persoal laboral poden ser demoledoras. Agora ben, ábrese un perigoso camiño no que o persoal funcionario será o próximo obxectivo.

Descargar xogo