O Comité Intercentros e os catro comités provinciais de Traballo e Benestar organizaron unha marcha o venres 11 de maio, dende a Cidade da Cultura (máximo símbolo do despilfarro), e finalizará no edificio administrativo de San Caetano (máximo símbolo da incompetencia política).

Con esta marcha denunciamos ese retrouso de que non hai diñeiro para os servizos públicos e por iso hai que seguir amortizando postos na Consellaría de Traballo. Mentres, seguese sen esixir responsabilidades, e mesmo se axuda, ás persoas e entidades financeiras causantes da crise. Curiosa política a de penalizar ás vítimas e axudar aos verdugos.